Re naq junelik chaab’il wanqo ut sa yooqo chi k’anjelak, li
xseeb’alil li qak’anjel SySO, naxsik’ junelik naq maak’a’aq li tiq’e’k, li ch’a’ajkilal malaq li yajel sa’ li na’jej b’arwi’ nakook’anjelak; junelik yooko xb’anb’al li qana’aj ut junelik yooko risinkil chi tz’aqal reeru li k’a’reeru naru na k’ehok yajel malaq naru nak’ehok sa’ raylal.
Xk’anjelankil li xseeb’alil li qak’anjel SySO sa’ Renace junelik yooko xchaab’ilob’resinkil ut xtuqub’ankil ru li na’leb’ chirix li usil k’anejl jo naxye li xchaq’rab’il nachalk sa’ jalan tenamit OHSAS 18001:2007.
Chixjunil li qak’anjel wank jun xk’utb’esinkil b’ar xiwxiw wank ut b’isb’il ru li ch’a’ajkilal naru nak’ulmank aran, sa’ eb’ li na’jej a’an kaw qak’a’uxl naqak’e aran re naq majun ch’a’ajkilal naru nak’ulmank aran jo cho’q reheb’ li nake’ tenq’ank qe, jo cho’q reheb’ li nake’ k’anjelak chiqu, jo’kan ajwi’ chixjunil li qak’anjel naqakol rix li loq’b’il ch’och’.
Ch’olch’o chiqu k’aru tento tqab’aanu sa’ junaq li ch’a’jkilal, k’uub’anb’il k’aru aajel ru xb’aanunkil re naq ink’a tnimanq ru li ch’a’jkilal, ut chi jo’kan ink’a txaqliiq li k’anjel yooko xb’aanunkil.
Junelik yooko xk’eeb’al li tzolok chirix li chaab’il k’anjel, jo’ ajwi’ junelik yooko xk’utb’al li chaab’il kawilal sa’ li k’anjel re naq eb’ li poyanam nake’
k’anjelak chiqu te’ xnaw k’anjelak sa’ xyaalalil ut chi tz’aqal reeru.
Xtuqub’ankil ru li k’anjel chirix li chaab’il wank ut chaab’il kawilal sa’ li k’anjel, nakooxtenq’a re naq chaab’ilaq junelik li na’ajej b’arwi’ nakook’anjelak, b’anaq na xkuutu rix chixjunil li na’leb’ tento xb’aanunkil re naq ink’a taatawmanq li ch’a’ajkilal sa’ li k’anjel nab’aanumank ut chi jo’kan ajwi’ yooqo junelik chi xchaab’ilob’resinkil li k’ila na’leb’ a’in.